محمد علي السيد يكتب: عيد ميلاد ..شهريار الملك

الخميس (11 سبتمبر)
••
ولما كانت ليلة الخميس
 (11سبتمبر 2025 -19 ربيع أول  1447-
أول توت 1743قبطى)
بلغ شهريار الملك 71 عاما 

تطفو شهرزاد على سطح (الوات ساب )
3 جاتوه (أبنها ونفسها ثم أنا )بلا شموع ••
مج شاى ملتهب تلصقه بكفى ••تتشفى بلسوعتى ••
••
ألتهم الحلو ••قبل الوصايا السبع 
حباية السكر •زبادي بعسل نحل للمعدة والعظام 
قرنفل باللبن والكركم للذاكرة ••مبشور الجزر للنظر •• 
وتلميع نظارة القراءة  
••
خلى القراءة والكتابة تنفعك؟!
••
حفيدت (ليليا -12سنة ) تهاتفنى من دبى
-جدو أنا جبت لك تورته  ..
نطفىء  شموع بكاميرا الموبايل 
تزعق أبنتى ••
-عارف كلفتنى كام ؟..
-خساره فيه ؟!.. 
-خسارة ليه  ؟!
••
أتربع على عرش (اللاب توب )•أغافلهم ••أرتب كتاباتى وصور موضوعاتى الصحفية  ..
شهد  نحل 46عاما بمؤسسة أخبار اليوم (من 1973 )
بواكيرى إعلام القاهرة ( الدفعة الثالثة ) ••
39 سنه بمجلة أخرساعه 
( أبريل 80 - رسميا نوفمبر 1981- 11سبتمبر 2021)
••
لفيت بلاااااد  وبلااااااد وبلااااد 
وصحارى وبحاااار 
تحقيقات صحفية مع مصورين عظام •• 23كتاب
 (هيئةالكتاب– هيئة قصورالثقافة – دارالمعارف )
ضعفهم  تحت الطبع وعلى فلاشة كمبيوتر  
••
تغوينى كتابات إطراء أعمالى  
من أساتذة وزملاء وأبناء ( مش  بأيدى يا آباااا) 
••
منتشيا أنقر على منضدتى نغمات
 (أنا واد خطير .أيوه خطير –  أنا طيير في السمااا – 
أنا لحبيبي وحبيبي إلى - أنا المصري ي ي ي – 
أنا باكره إسرائيل••

تهف على•• سخرية بالصعيدي
( جالت له تعا يا آباه ) 
••
يتهكم  أبنى الحيلة 
الحقى جوزك بيلذذ !!..عاوز أعرف طايقاه إزاى !!
-علشان تعرف ••أستحملت أيه علشان أخلفك ؟!..
••
(جالت له ••تعا يا آباه ••نعد الناس الزانين فى البلد ••جالها جولى ••
جالت ••
أول هام أعوذ بالله من جولة أنا !!!••
جالها 
هى بدأت بيكى •••طب والله ما سامع !!)

حكايات جدى السيد ..يلف حبال صبره الحريرية 
حول رعونة صبايا 
بنت رايقة و فايقة ••تستنزف فراغها•• تسلى  أبيها بإحصاء الطيبين•تستدرجه لمصيدة تزكية نفسها 
ودلع قبوله ••فيكون(هوه اللى قال) 
يرفض التكرار _••يائسا من تعقلها
 ( شايفه نفسها ••وسوسة إبليس( أَنَا خَيْرٌ مِّنْهُ ) 
وهم أن تعلمها الايام 
(اللى فيه خصله ••عمره ما يسلاها !!.••
•رغم كبرالسن •الثروة •الجاه !!. 
••
كلما  لاقيت مغرورة أبرطم ممتعضا••( تعا يا آباه )  
أتناسى نداهة غرورى
 (ما تعايب يا قوم ••الا على الصلاة والصوم !!)
••
أبو نرجس
-يا سيدى قلت لك النمرة غلط!!
يبرق بذهنى صديقى (حمد )
فى تعارفنا تحدثنا عن الكفاءة والاخلاص دون مقابل 
-يوصمونا بالغرور ؟!!
-أنا لست مغرورا .أنا نرجسى !!
أندهش 
كده  مباشرة  ؟!
و نتدارى ليه ؟!••ربنا خلقنا كده •• 
لولاها لمت من زمن ••هى توازن أدعم به مناعتى  
عن وباء العجزة 
••
عقب بعد دقائق
 (تصور عندك حق !!)

رتبت مقالات الأطراءات على هيئة كتاب
 وأجهتنى (مرآة تتصدر بهو فندق )
تومض الفكرة وهمس الفتى (نرجس )
عاشق صورته ••فى صفاء عمق بحيرة ساكنه ظليلة يغلبه شوقه ••يغرق  لأحضانها 
تترعرع منه زهرة النرجس

( مرايتى قوليلى يا مرايت ) 
هذه الكتابات  ماذا تزهر ؟   
••
ورده للأحفاد و المحبين و الباحثين
كتاب للنرجسية ..(  تعا يا أباه )

كوكوكوكو و و و 
مولاى ى ى ى ى

مقدمة كتابى (غواص فى حب الوطن)